قصيدة لعيونكم

من طرف **بسو ميوزك** الخميس مارس 06, 2008 3:06 pm

لعيـــونـــكـــم

لعيونكم

اشتاگ وأسأل
دوم انتو اشلونكم
ولعيونكم ..
ذوبت عمري المايعيش ابدونكم
ولعيونكم ..
رخصت دمعي الچان غالي
ورخص بس لعيونكم
تمنيت لو عندي جنح
ياخذني ويه الريح
ويوصلني يم ادروبكم
وتمنيت .. لو عندي گلب ..
يتحمل ليومين
من ماشوفكم
ولعيونكم ..
ذبلت اشفافي
من العطش ،
منتظره زخت مطر
من اتبوسكم
اشگد وحشه ايام الگضت
من دونكم ؟؟
غربة .. ومتاهات .. وألم ..
وگلوب صلفه ..
وابد ماتوصل لربع اگلوبكم
يا أهلي تعبني الحنين
وتغفه ايامي اعله طاري اجفونكم
بالغربة وي روحي
وادور .. بلكي بالصدفة
العيون اتشوفكم ..
اي وينكم ..
عفتوني وحدي
واني ادور وينكم ؟؟
بالغربة شفت اوجوه
من تضحك چذب
واتذكرت كل بسمه
چانت غافيه اعله
اوجوهكم
ولعيونكم .. ابعث تحياتي
بجنح كل طير
حط يم بوبكم
ولعيونكم .. لعيونكم
اتروح فدوه الدنيا
كلها لرمشه من عيونكم
-----------------------------------

تحياتي

بسو ميوزك

من طرف **انو ميوزك** الجمعة أبريل 04, 2008 9:19 am

مـــــــــــــــــــشــــــــــــــكـــــــــــــــــــور

حبي وتسلم عيونك

وعاشت ايدك

ياورد